Baballarët janë disa nga njerëzit më të rëndësishëm në botë. Ata kujdesen për fëmijët e tyre, i rrisin. Por, rezulton se u kushtojnë më shumë vëmendje vajzave të tyre dhe sjellja dhe truri i tyre janë nën ndikimin e gjinisë së fëmijëve të tyre.

Në këtë artikull jemi gati t’ju tregojmë se çfarë do të thotë kjo dhe si mund të ndikojë në të ardhmen e një fëmije. Një studim doli me rezultate të papritura të bashkëveprimit të baballarëve me fëmijët e tyre dhe ne ju ftojmë të gërmoni më thellë në të.

Në studim morën pjesë 52 baballarë djemsh ose vajzash të moshës 1-2 vjeç. Studiuesit shikuan se si baballarët ndërvepruan me fëmijët e tyre dhe bënë skanime MRI të trurit të tyre. Ata zbuluan se gjinia e fëmijës ka një efekt të drejtpërdrejtë në mënyrën se si do të duket marrëdhënia me babanë e tyre.

Të kalosh kohë me babain

Para së gjithash, baballarët e vajzave këndojnë dhe fishkëllejnë më shumë me to sesa me djemtë e tyre, ndërsa baballarët e djemve janë më të përfshirë në lojëra të vrazhda dhe të forta. Falë kësaj, djemtë kanë më shumë gjasa të jenë më të popullarizuar në mesin e bashkëmoshatarëve të tyre.

Reagimi i baballarëve ndaj emocioneve

Baballarët kanë një përgjigje më të madhe ndaj fytyrave të lumtura të vajzave të tyre. Por baballarët e djemve reaguan më shumë ndaj shprehjeve të tyre neutrale të fytyrës. Kjo mund të nënkuptojë se baballarët me vajza kënaqen të shohin fytyrat e lumtura të fëmijëve të tyre më shumë sesa ata me djem.

Bisedat me babain

Madje, baballarët flasin ndryshe me fëmijët e tyre. Me djemtë e tyre, baballarët përdorin gjuhën e arritjeve. Por, me vajzat e tyre flasin më shumë për trupin dhe emocionet e tyre dhe përdorin gjuhë analitike. Një komunikim i tillë mund të çojë në pakënaqësi trupore tek vajzat si dhe t’u sjellë atyre sukses akademik.

Lexo: Kurs Pikture

Kujdesi nga babai

Dhe e fundit, por jo më pak e rëndësishme, baballarët janë më të angazhuar dhe më të përgjegjshëm ndaj vajzave sesa djemve. Ata gjithashtu u kushtojnë më shumë vëmendje vajzave dhe trishtimit të tyre. Kjo mund t’i ndihmojë vajzat të zhvillojnë më mirë ndjeshmërinë, por djemtë mund të bëhen të rritur emocionalisht të mbyllur.

Dashuria është përgjigjia

Siç mund ta shihni, këto detaje dhe veprime në dukje të vogla mund të kenë një ndikim të madh në jetën e ardhshme të një fëmije. Sigurisht, çdo prind zgjedh mënyrën për të rritur fëmijën e tij. Por ia vlen të kujtojmë se gjinia nuk është gjithçka dhe dashuria është shumë më e rëndësishme.

Brightside